نبذة شخصيّة

لو سمحت؟ سم أي خدمة! ممكن بس تعطيني فكره عن هذا الموقع؟ اي نعم هذا الموقع حق واحد أسمه محمد بن طرجم الدغيلبي! ممتاز ممتاز... طيب ممكن تعرفنا أكثر على الأخ محمد بن طرجم الدغيلبي ؟ هذا طال عمرك يعني واحد يحب الشعر و الأدب وله إسهامات صحفيه في بعض الجرائد و المجلات، محب للثقافه،ولا تنسى أهم شي موضة هالايام!! وشنهي موضة هالايام؟ وسطي!!! أهااااا طيب كويس يعني هو وسطي!! والله عاد هذا كلامه،وأنا مالي شغل فيه ولا أتحمل أي مسؤوليه تجاه هذا الكلام،ترى أنا مالي خص بهاسوالف وسطيه سياسه ما سياسه مالي شغل بهالأمور ورجاء لا تحاول تجرني لها!! أنا حتى ما ادري وشنهي الوسطيه بس أسمعهم هابين فيها هالأيام!! خلاص خلاص مو مشكلة....طيب هو وش يبيع؟ كيف يعني ويش يبيع؟ يعني وش عنده في هذا الموقع وش يقدم أساساً ليش مسوي موقعه؟ تبيني أعلمك الصدق ؟ يا ليت! الرجال طفش كل ما يرسل للجريده حقته مقالات ما ينشرونها،ولا تسألني وشنهي جريدة!! وكل ما يراسل جرايد ثانيه لا حياة لم تنادي،بيني وبينك ماحد معطيه وجهه!!قام الرجال إنتقاما لكبرياءه الصحفي المجروح!! سوى هالموقع عشان يكتب فيه وينشر يعني هو رئيس التحرير وهو المحرر وهو المصور ابد الكل في الكل! الله يعز الإنترنت! اي والله إنك صدقت..الله يعز الإنترنت قلت لي الموقع وش يحتوي؟ الظاهر شعر وما شعر ومقالات وادب وصور ومن هالخرابيط! يعني ما من جديد؟ لا أبد !! ما من جديد ولا هم يحزنون، مغر بعض مقالاته وكتاباته حليوه!!! أنت سير عليه هنيا وقله بعد كذا وش رايك في موقعه وفي كتاباته! طيب طيب الظاهر اني كثرت الاسئله عليك؟ لا ابدا حياك أصلا هذا واجبي!!!! واجبك طيب ليش ما تحله ههههه! دمك خفيف! من جد عاد ليش تقول هذا من واجبك؟ لأن أنا محمد! وشنهو! انت محمد راعي الموقع؟ الله الله؟ طيب وش تبيع؟ أقول أها عاد تراك مصختها!!!!

نبذة شخصية

معلومات شخصية:

ألسيرة الذاتية:

إهتماماتي:

آخر أخباري:

جملتي\عبارتي المفضلة:

للإتصال بي:

مواقع مفضلة: